Meer inligting oor Bastion
Agtergrond
- Bastion Welvaart Bestuur is in 2003 gestig om beleggings te bestuur. (Die stigterslid, Koos le Roux, bestuur sedert 1988
beleggingsportefeuljes.) Koos het vir Danie du Plessis betrek om die bemarking van Bastion se fondse te behartig.
- Ons het aanvanklik saamvatfondse bestuur op die Glacier en AIMS-platforms. Sedert 3 Oktober 2007 is die saamvatfondse omskep in wit etiket-fondse van fondse by Metropolitan Collective Investments.
- Tipies is Bastion se kliënte professionele finansiële diensverskaffers, wat hul kliënte se gelde deur AIMS of Glacier belê in Bastion se fondse.
- Die kernpunte omtrent Bastion se fondse word vervolgens toegelig.
Beleggingsboetiek
Bastion is nie ‘n groot batebestuurder met ‘n wye verskeidenheid effektetrusts onder bestuur nie. Ons kan as ‘n “beleggingsboetiek” bestempel word in dié sin dat Bastion fokus op slegs ‘n paar fondse, maar van daardie paar fondse wil ons ‘n groot sukses maak. Beleggers in Bastion se fondse en hul tussengangers is ook welkom om direk met die portefeuljebestuurder kontak te maak, iets wat nie vry algemeen is nie.
Toe Bastion in 2003 gestig is, was daar ‘n paar sakemanne wat gefrons het vir “’n klein batebestuurdertjie wat kans sien vir die grotes”. Sedertdien het die boetiekkonsep behoorlik vlam gevat: Metropolitan Collective Investments het einde 2007 gespog met R17 biljoen se wit etiketfondse. So suksesvol is die boetiekgedagte wêreldwyd dat SA se grootste batebestuurder (Ou Mutual) in 2007 sy batebestuursbesigheid in boetieks omskep het!
Inherent aan die boetiekgedagte is die idee van uitkontraktering: Bastion fokus slegs op beleggingsbestuur, en kontrakteer administrasie, bemarking, en ander beleggingsfunksies uit aan erkende maatskappye in die beleggingswêreld: Absa Investment Management Services (“AIMS”), Glacier Financial Solutions, Metropolitan Collective Investments, en JP Morgan is maar ‘n paar van die maatskappye met wie Bastion sakeverbintenisse het. As multibestuurder laat ons die eerstevlak-bestuur oor aan groot batestuurders (Allan Gray et al) van enkelfondse. Dit is hulle wat die enkelfondse bestuur waarin Bastion belê. Wat bemarking aan die uiteindelike belegger betref, laat ons dit oor aan behoorlik FSB-geregistreerde tussengangers of intermediêres.
Beleggingsoplossings
- Bastion se onmiddellike teikenmark is die sogenaamde “kategorie 1” finansiële diensverskaffer of tussenganger (intermediêr). Hierdie finansiële tussengangers of makelaars is professioneel opgelei om beleggers te werf, hul behoeftes en risiko-profiele te bepaal, maar haak dan dikwels vas by die fondskeuse. Hoe kies bemarkers tussen meer as 800 effektetrustfondse? Koos le Roux van Bastion is sedert 1988 voltyds betrokke by die bestuur van beleggings. Toe die multibestuursbedryf in 1998 in SA posgevat het, het Koos vir Sanlam die multibestuursfondse bestuur. Hy is dus een van die mees ervare multibestuurders in Suid-Afrika.
- Bastion het drie fondse van fondse wat aan die tussenganger die oplossing bied op die vraag: “Waar moet ek gaan met my kliënt se geld?” Bastion se Gematigde Fonds van Fondse is byvoorbeeld die ideale tuiste vir nie-diskresionêre gelde met ‘n matige risiko-profiel. Ons fondse van fondse is potensieel ‘n optimale kombinasie van top gebalanseerde fondse. Een van die groot redes vir ons goeie baanrekord is juis dat ons suksesvol was om goeie onderliggende fondse te kies.
- ‘n Verdere kopseer wat tussengangers het is dat die geld wat hulle belê aktief gemonitor en bestuur moet word. Selfs uitstekende fondsbestuurders sluk soms winde. 2007 was byvoorbeeld ‘n baie moeilike jaar vir Coronation Fund Managers. Bastion het vroegtydig sy blootstelling aan Coronation ligter gemaak. Wie sou vir die tussenganger betyds die klokkie gelui het om Coronation-fondse te verkoop? En selfs al wou die kategorie 1 finansiële diensverskaffer uit Coronation skuif, sou dit ‘n stadige proses wees, want hy / sy sou eers skriftelike toestemming by elkeen van sy / haar kliënte moes kry.
- Bastion bemagtig dus die tussenganger om te konsentreer op bemarking.
|
Kern punte omtrent Bastion
se produkte |
Bastion Absolute Opbrengs
Fvf |
Bastion Gematigde Fvf
|
Bastion Wêreldwye
Veelsydig Fvf |
| Doelwit van fonds | LT kapitaalbeskerming in reële terme | LT kapitaalgroei en ‘n redelike inkomste | LT kapitaalgroei |
| VKB-klassifikasie | Plaaslik – Bate-allokasie – Absolute Opbrengsfondse | Plaaslik–Bate-allokasie–Voorsorg –Medium aandele | Wêreldwye Veelsydige Bateallokasie |
| Risiko-gradering | Laag / Matig | Matig | Matig / Hoog |
| Maatstaf | Geldmark (“SteFI”) + 3% | Geldmark (“SteFI”) + 4% | Geldmark (“SteFI”) + 6% |
| Basiese bestuursfooi (per jr) | 0.86% BTW inkluis | 0.86% BTW inkluis | 0.86% BTW inkluis |
| Maksimum prestasiefooi (pj) | 0.63% BTW inkluis | 0.74% BTW inkluis | 1.03% BTW inkluis |
|
Daar is min ander fondse van fondse met sulke kompeterende bestuursfooie, veral wat betref die plafon op prestasiefooie.
|
|||
Prestasiegedrewe
As multibestuurder maak dit vir ons by Bastion sin om een van die mees gerespekteerde batebestuurders, Allan W B Gray, aan te haal: “We are almost obsessed with performance”.
By Bastion is ons ook behep met prestasie. Ons is doelbewus daarop ingestel om die meeste konkurrente te klop. Die onderstaande tabel wys dat beleggers in ons konserwatiefste mandaat die afgelope drie jaar 17.1% per jaar verdien het.
Bastion Absolute Opbrengs het 93% van sy konkurrente uitgestof; Bastion Gematig het in die top derde van sy portuurgroep geëindig. Ons het nie vergelykende syfers vir die Veelsydige Fonds nie, want met notering is die mandaat verander van Plaaslik Veelsydig na Wêreldwyd Veelsydig. In die drie jaar tot voor notering was die fonds egter eerste uit 20 Plaaslike Veelsydige fondse, óftewel vyfde uit 100 fondse.
|
Beleggingsopbrengste oor drie jaar tot 29 Feruarie 2008
(per jaar) |
Bastion Absolute
Opbrengs (per jaar) |
Bastion Gematigde
(per jaar) |
Bastion Wêreldwye
Veelsydig (per jaar) |
| Bastion |
17.3%
|
21.1%
|
23.6%
|
| Maatstawwe |
11.0%
|
12.0%
|
14.0%
|
| Sektorgemiddeld |
13.1%
|
19.8%
|
Nie Beskikbaar
|
| Bastion se rangorde uit 100 fondse |
7
|
29
|
Nie Beskikbaar
|
Multibestuur
Bastion belê nie direk in aandele, staatseffekte, genoteerde eiendomme, of afgeleide instrumente nie. Dit is die taak van enkelfondsbestuurders. Bastion is ‘n multibestuurder wat in enkelfondse belê. As sulks staan ons fondse bekend as “fondse van fondse”.
Die implikasies van hierdie benadering (om in ander fondse te belê) is soos volg:
- ‘n Bykomende kostelaag want die belegger betaal bestuursfooie vir Bastion én vir die onderliggende fondsbestuurders. Dit is waarom Bastion se eie fooie so laag is in vergelyking met ander fondse: ons probeer die totale uitgaweverhouding laag hou. Bastion se fondse is voorts deel van Metropolitan Collective Investments se veel groter poel van wit etiketfondse, en kan dus uit ‘n magsposisie onderhandel vir laer fooie en kortings ten opsigte van die onderliggende effektetrusts waarin hulle belê. Uiteindelik gaan dit ook nie oor fooie nie, maar oor netto beleggingsprestasies, ná aftrekking van alle bestuursfooie, en in dié opsig vergelyk ons baie goed.
- Bastion bied, na ons mening, baie hoë kwaliteit beleggingsprodukte, want ons as multibestuurders het die potensiaal om te belê in die optimale kombinasie van die beste fondse van die beste batebestuurders.
- ‘n Verlaging van risiko danksy die diversifikasie tussen verskillende fondse met verskillende fondsbestuurders, verskillende vaardighede, verskillende beleggingstyle, verskillende marksienings, en verskillende strategië. Ons plaas nie al ons eiers in een mandjie nie, maar versprei dit tussen ‘n paar sterk mandjies wat anders gevleg is.
- Dat multibestuurde fondse moontlik nie die top presteerder in ‘n bepaalde sektor sal wees nie. Die telbord wys egter dat ons by Bastion redelik naby daaraan gekom het!
- Veelsydigheid. Danksy die groot aantal en verskeidenheid effektetrusts het Bastion geen probleem om sy eie mandate na te kom nie. Ons kan kies tussen waarde- en groeifondse, tussen top 40-fondse en klein maatskappyefondse, tussen ervare en opkomende fondsbestuurders, en tussen fondse wat hul aandeleblootstelling beskerm met behulp van gesofistikeerde afgeleide instrumente en diégene wat hul aandele bloots ry.
- Beweeglikheid. Indien kategorie 1 finansiële diensverskaffers hul beleggingskliënte se portefeuljes wil verander, het hul eers elke kliënt se skriftelike toestemming nodig. Bastion doen dit in een dag, want ons is deur die Raad op Finansiële Dienste (RFD) daartoe gemagtig.
- Kapitaalwinsbelastingvoordele. Diskresionêre beleggers in saamvatfondse betaal KWB oor die loop van die belegging, maar met fondse van fondse kom KWB eers ter sprake aan die einde van die belegging. Nie-diskresionêre gelde trek geen KWB nie.
Ten slotte
Bastion bied na ons mening goeie waarde vir geld:
- Hoë gehalte beleggings want ons belê in uitstekende effektetrustfondse;
- Baie lae bestuursfooie;
- Persoonlike diens (beleggers en tussengangers kan direk met die portefeuljebestuurder skakel); en
- Bó-gemiddelde beleggingsprestasies
